Campaña contra incendios forestais de 2019
O domingo 3 de marzo celébrase a Festa de Entroido en Catoira. O desfile comeza ás 17:30 horas na Praza do Doutor Vázquez, encabezada polo Meco Mexillón e a Charanga Noroeste. O percorrido remata no Pavillón Municipal de Deportes, onde se celebra o desfile infantil e o concurso de comparsas.
As comparsas teñen de prazo ata o luns 25 de febreiro para inscribirse.
Este domingo 16 de decembro Fátima Rey presenta o seu último libro “Memorias da árbore da noite triste”. O acto será ás 12:00 horas na Aula Celso Emilio Ferreiro (Edificio Multiusos), onde estará acompañada da concelleira de Cultura Purificación Quintas.
Concertos de nadal da escola de música municipal, videoconferencia con Papá Noel, teatro do CEMUMA, Festivas de nadal da ANPA do CPI Progreso, Visita da Apalpadora, Cabalgata de Reis…
O martes 13 de novembro a compañía Redrum Teatro preestrea no Auditorio Municipal de Catoira a obra “Invisibles”. A función será ás 21:00 horas.
Entrada de balde ata completar aforo. Espectáculo recomendado para maiores de 12 anos.
Sinopse:
Un lugar indeterminado.
Tres mulleres.
Sete testemuños reais. Setenta minutos.
Un millón de razón para falar do maltrato.
Non máis invisibles.
Invisibles é un espectáculo de creación colectiva a partir da novela homónima de Montse Fajardo, que presenta ante o público diversas historias cun fío común entre elas: a violencia de xénero.
Elenco:
Mela Casal, Sheyla Fariña, Nieves Rodríguez
Dirección:
Marián Bañobre
O venres 2 de novembro preséntase en Catoira o libro “Aceptando el reto de sanar”, de Natalia Prego Cancelo. O acto será na sala Celso Emilio Ferreiro, do Edificio Multiusos, a partir das 20:00 horas. A autora, médica de familia, presentará esta obra autobiográfica, na que describe a súa viaxe de vida, dende a enfermidade ata a saúde, dende a pena ata a alegría, chegando a descubrir por qué o ser humano é maís que un corpo físico e por qué o que sentimos determina gran parte da nosa vida.
Saber e coñecer os mecanismos polos que enfermamos ou non, é un dos obxetivos deste libro. Tendo tamén como finalidade, salientar a importancia de ser conscientes en cada momento do que pensamos, sentimos, facemos, para poder así ter fortaleza, autonomía e saúde. Para poder así levar a vida que queremos, a vida que soñamos.
O VII Congreso Internacional de adestradores de piragüismo en augas tranquilas de Catoira logrou superar as 200 inscricións, calculando a organización que a cifra total roldará os 250 participantes.
O evento, que se celebra entre o 25 e 28 de outubro, contará coa presenza dos medallistas olímpicos Maialen Chourraut e Saúl Craviotto. Tamén destaca a participación de Jean-Michel Prono, presidente do ICF Canoe Slalom Committee, que centrará a súa intervención na evolución técnica e sistema de vídeo arbitraxe.
As persoas interesadas en asistir poden obter máis información, consultar o programa completo de relatorios e realizar a súa inscrición na web www.congresocatoira.es. Así o fixeron xa máis de 200 deportistas procedentes de 15 países, entre eles Suecia, Finlandia, Dinamarca, República Checa, Palestina, India ou México.
