Community

O Concello de Catoira deixa planificada a implantación da mellora de biorresiduos que afecta á Rúa do Concello e á Rúa da Estación.

O proxecto inclúe a implantación dun total de 20 colectores de cor marrón que se incorporarán á recollida selectiva municipal na vía pública, apostando pola economía circular e aproveitando as vantaxes ambientais, económicas e sociais que esta alternativa supón á xestión de biorresiduos.

Este proxecto piloto de recollida selectiva de materia orgánica destínase a uns 150 fogares e grandes productores (supermercados, centros educativos, hoteis, restaurantes, etc.) pertencentes ao núcleo urbano de Catoira.

Ademais dos 20 colectores, tamén se subministraron 150 caldeiros de biorresiduos e 150 rolos de bolsas compostables.

O orzamento total deste proxecto ascende a 4.311,23 euros, e está co financiado con fondos da Unión Europea e unha achega municipal de 1.104,53 euros.

Está aberto o prazo de inscrición para programa de vacacións para maiores do imserso tempada 2022/23

Poderán participar no programa todas as persoas que reúnan algún dos seguintes requisitos:

• Ser pensionista de xubilación do Sistema Público Español de Pensións.
• Ser pensionista de viuvez con 55 ou máis anos cumpridos.
• Pensionistas por outros conceptos, ou perceptor de prestacións ou subsidios de desemprego, en tódolos casos con 60 anos cumpridos.
• Ser titular ou beneficiaria/o do sistema da Seguridade Social, con 65 anos cumpridos.
• Ser emigrante retornada/o a España e pensionista do Sistema público da Seguridade Social do país do que se ten retornado.
• (A/O cónxuxe non é necesario que reúna os requisitos de idade e pensión).

INFORMACIÓN: Departamento de Servizos Sociais Comunitarios do Concello.

PRAZO: ata o 30 de xullo de 2022.