Este mércores, 21 de febreiro, celebrouse no Concello unha reunión entre os membros da Xunta Local da concentración parcelaria e o alcalde, Xoán Castaño, coa xefa do Servizo de Infraestruturas Agrarias de Pontevedra, María José Pérez Gil, persoal do servizo de asesoría xurídica e persoal representante e técnico da empresa SEAGA e da Xunta de Galicia. Tras dúas horas de reunión, concluíuse:
Zona Norte:
1. Completar os recursos de alzada.
2. Comezar co levantamento topográfico e catastral, que afecta ao 30% do terreo, e que contará cun investimento de 82.000 euros.
3. Para 2025 a Xunta asume o compromiso de contratar o acordo de elaboración das novas fincas.
Zona Sur:
1. Continuarán cos traballos de levantamento, baseados fundamentalmente sobre elementos físicos (muros, ríos, estradas, etc.), e que se prevé estean finalizados este ano.
2. Faranse exposicións públicas parciais dos planos de levantamento.
3. A Xunta asume o compromiso en 2025 da elaboración das bases e identificación das propiedades.
Por parte dos representantes dos titulares, propúxose mellorar a comunicación para favorecer a asistencia das/os propietarias/os ao levantamento e, na medida do posible, que se identifiquen correctamente as fincas.
