Novas

Tras percorrer varios países de Europa (Dinamarca, Noruega, Polonia, Irlanda), chega a Catoira o espectáculo “Follow the Vikings” (segue aos viquingos), un evento que enxalza o seu impacto cultural e histórico. O recinto das Torres de Oeste acolle este espectáculo os días 2 e 3 de agosto, ás 22:30 horas, nas que serán as únicas funcións en España.

Tendo en conta a vida e época do poeta guerreiro Egill Skallagrímsson como fonte de inspiración, o roadshow Follow the Vikings é unha representación contemporánea da súa vida, combinando a súa narrativa co mito viquingo para salientar aspectos importantes desta cultura. É un impactante espectáculo audiovisual que combina o teatro, a música e a danza.

O roadshow forma parte dun proxecto do programa Europa Creativa, financiado pola Unión Europea, para facer o patrimonio viquingo transnacional accesible e visible para o público mundial, e do que o Concello de Catoira é socio.

Este proxecto potenciará as economías locais e o emprego e contribuirá a crear unha rede ampla e duradeira entre os socios culturais implicados na preservación, presentación e comercialización do patrimonio viquingo. O proxecto ten unha duración de 4 anos, desde 2015 a 2019.

O director artístico, Craig Morrison, conta coa colaboración da Escola Municipal Úrsula Teatro de Catoira, así como con artistas de boa parte de Europa.

ENTRADAS: 2 euros (anticipada na Biblioteca Pública Municipal ata o 1 de agosto, e en billeteira nos accesos ás Torres de Oeste os días de función), ata completar aforo.

Espectáculo recomendado para maiores de 12 anos.

Este evento non depende das condicións meteorolóxicas, polo que se recomenda levar vestimenta axeitada. O Concello de Catoira resérvase o dereito a cancelar o evento en caso de condicións climatolóxicas extremas, por motivos de seguridade.

Non se permitirá fumar durante o show.

Este evento está cofinanciado polo Concello de Catoira, Follow the Vikings, o Programa Europa Creativa da Unión Europea, Turismo de Galicia e a Deputación de Pontevedra.

Máis información: culturaconcellocatoira@gmail.com

ANUNCIO PUBLICIDADE SUBVENCIÓN DEPUTACIÓN DINAMIZACIÓN LINGÜÍSTICA

A AXENCIA CONSELLERÍA DE ECONOMÍA, EMPREGO E INDUSTRIA CONCEDE SUBVENCIÓN AO CONCELLO DE CATOIRA

A AXENCIA GALEGA DE DESENVOLVEMENTO RURAL, DEPENDENTE DA CONSELLERÍA DO MEDIO RURAL DA XUNTA DE GALICIA, CONCEDE SUBVENCIÓN AO CONCELLO DE CATOIRAANUNCIO PUBLICIDADE DA SUBVENCIÓN DA CONSELLERÍA DO MEDIO RURAL (05-2018)

PRIMEIRO.- A Corporación Municipal de Catoira, en sesión plenaria celebrada o día 7 do presente mes de maio, acordou, por unanimidade, nomear FILLO PREDILECTO a DON SERGIO ÁLVAREZ CONDE.

SEGUNDO.- A Corporación Municipal de Catoira valorou, para o outorgamento da distinción honorífica a Don Sergio Álvarez Conde, as súas calidades e méritos persoais como deportista exemplar, que con orgullo contribúe a que o nome do municipio de Catoira sexa coñecido en todo o continente europeo, así como a súa defensa da normalización do uso do noso idioma galego.

TERCEIRO.- Con motivo do outorgamento da distinción honorífica, a Corporación Municipal celebrará un Pleno de Honores o vindeiro día 26 de maio, ás 11.00 horas, no Auditorio Municipal, ao que están invitados todos/as os/as veciños/as de Catoira.

CUARTO.- Ao remate do acto, celebrarase un xantar de homenaxe a Don Sergio Álvarez Conde, na Sala Multiusos, ao que poderán asistir todos/as os/as veciños/as que o desexen, para o que deberán retirar, previamente, o vale correspondente nos establecimentos do municipio.

QUINTO.- A Corporación Municipal espera e desexa unha numerosa afluencia aos actos do vecindario, para cumplimentar, como se merece, ao noso conveciño Don Sergio Álvarez Conde.

O que se fai público para xeral coñecemento.

O Concello de Catoira acolle en xuño un curso de verán da Universidade de Vigo baixo o título “Aportacións e beneficios da xenética para a Humanidade. Que debo saber?”. Este encontro reunirá a destacados investigadores e especialistas do ámbito da xenética.

Esta acción formativa, que se dirixe especialmente a estudantes do ámbito sociosanitario e biolóxico, persegue os seguintes obxectivos:

• Entender os mecanismos básicos da herdanza, da variabilidade xenética e da biodiversidade.
• Comprender a importancia da xenética como base das enfermidades humanas.
• Entender a importancia da xenética na comprensión da nosa lingua e cultura.
• Entender os mecanismos básicos da xenética de poboacións e evolutiva e as súas aplicacións no campo da conservación.
• Comprender a importancia da mutación xenética e a consanguinidade na diversidade xenética, a evolución, a conservación e a saúde.
• Entender a importancia do método científico.
• Adquirir capacidades para desenvolver actitudes críticas baseadas no coñecemento e na ética.

Algúns dos relatores destacados son Ángel Carracedo, David Posada, María Rosaura Leis ou Antonio Salas.

O curso celébrase do 25 ao 28 de xuño no Auditorio Municipal de Catoira. Consta dun total de 37 horas lectivas e 1,2 créditos de libre configuración. As 70 prazas dispoñibles cubriranse por orde de solicitude. As persoas interesadas en participar xa poden inscribirse a través da web www.culturxest.uvigo.es

Máis información:

Tríptico do programa

Manuel Isorna Folgar

Telf. 620859358

ANUNCIO PUBLICIDADE SOBRE CONCESIÓN SUBVENCIÓN DA DEPUTACIÓN PLAN MOBILIDADE 2017