O Concello de Catoira está a traballar nun proxecto de recuperación da Capela de Santiago, que forma parte do conxunto monumental das Torres de Oeste.
A actuación conta cun orzamento de 8231 euros, e inclúe a reposición da campá da capela, que foi roubada hai uns anos, así como a reinstalación do perpiaño de pedra da espadana e da cruz que a coroa. Tamén está prevista a restitución das pequenas ventás das bufardas, con cristal antivandálico, e o acondicionamento das dúas portas. No interior vaise actuar na mellora do estucado.
Ademais, xa se procedeu a realizar labores de limpeza nas pedras das paredes das torres, eliminando toda a vexetación enraizada.
A Consellería de Sanidade, a través da Dirección Xeral de Saúde Pública e do Servizo Galego de Saúde, pon en marcha a partir do 13 de outubro a campaña anual de vacinación antigripal para todas as persoas de 60 anos ou máis e menores desa idade incluídas en grupos de risco.
Máis información na web https://gripe.sergas.gal/
A Deputación Provincial de Pontevedra concedeu unha subvención ao Concello de Catoira por importe de 8000 euros, no marco dun convenio asinado entre ambas entidades para o apoio á celebración simbólica da Romaría Vikinga mediante unha programación especial realizada durante a primeira fin de semana de agsosto de 2020. O convenio foi asinado con data de 19 de setembro de 2020.
A Axencia Turismo de Galicia, dependente da Xunta de Galicia, vén de conceder unha subvención ao Concello de Catoira por importe de 5000 euros, no marco dun convenio asinado entre ambas entidades para o apoio á celebración da Romaría Vikinga 2020. O convenio foi asinado con data de 24 de setembro de 2020.
