• 3 Xuño, 2022
  • 21:00
  • Sala Celso Emilio Ferreiro do Edificio Multiusos

FERNANDO SALGADO E JUAN OTERO PRESENTAN O VINDEIRO VENRES EN CATOIRA O LIBRO “PAPEL DE ESTRAZA”

O venres 3 de xuño, ás 21:00 h, preséntase na Sala Celso Emilio do Edificio Multiusos de Catoira o libro “Papel de estraza”, obra conxunta do xornalista Fernando Salgado e do polifacético arousán Juan Otero.

Como se desprende do título da obra, en alusión ao soporte no que se anotaron os nomes dos compoñentes daquel utópico goberno da Illa de Arousa, o libro ten como eixo central o sucedido na localidade arousá en outubro de 1934; estes sucesos son abordados polos autores facendo súa unha premisa básica do historiador: achegar o contexto.

Apoiándose no relato de como os avances tecnolóxicos chegan á Illa e como os conserveiros os utilizan nas fábricas, ao tempo que os mariñeiros e traballadoras da conserva viven na penuria, “Papel de estraza” ofrécenos un panorama da sociedade local, os seus lugares de diversión, as festas, as primeiras organizacións sindicais, etc.

Top

Edificio Multiusos Rúa do Concello, 1 36612, Catoira (Pontevedra)

Tf. 986 54 60 14

concello.catoira@eidolocal.es