XANTAR VIKINGO – 2 DE AGOSTO | 14:00 H 
Volve un dos momentos máis esperados da Romaría Vikinga: o tradicional Xantar Vikingo baixo a carpa das Torres de Oeste.
Un encontro festivo onde vikingas e vikingos comparten mesa, risas, música e boa comida no corazón da lenda.
Atención! É necesario inscribirse previamente para participar.
Non quedes sen sitio no festín máis nórdico do ano.
AVISO ENSAIOS DRAMATIZACIÓN DESEMBARCO
Xoves 17 de xullo
Dada a previsión de chuvia para este sábado 19 de xullo, infórmase de que se cancela o ensaio de dramatización do Desembarco programado. Mantense o previsto para o sábado 26 de xullo ás 11:00 horas.
As/os viquingas/os que participan no Desembarco por terra están convocadas/os o domingo 3 de agosto ás 11:00 horas diante do club de piragüismo, onde recibirán as indicacións do Ateneo Vikingo.
Mércores, 16 xullo 2025
Pode consultarse na sede electrónica a información e as listas das persoas seleccionadas para participar no Desembarco Vikingo do día 3 de agosto e no Vikinguinho do día 4.
PROGRAMA DA ROMARÍA VIKINGA 2025
11 de xullo 2025
Xa se pode descargar o programa completo na seguinte ligazón:
INSCRICIÓN NO DESEMBARCO XERAL E NO DESEMBARCO VIKINGUINHO
1 de xullo 2025
O Concello informa de que mañá, 2 de xullo, ábrese o prazo de solicitude de inscrición como tripulación no Desembarco Vikingo, que terá lugar o domingo 3 de agosto, e no Desembarco Vikinguinho, que se levará a cabo o luns 4 de agosto.
Na sede electrónica (sección Anuncios) están dispoñibles os bandos informativos e os respectivos formularios de inscrición.
https://catoira.sedelectronica.gal/board
MERCADOS DA ROMARÍA VIKINGA
26 de xuño 2025
O Concello informa de que o día 30 de xuño ábrese o prazo de solicitude de postos no mercado da Romaría Vikinga.
Na sede electrónica (sección Anuncios) están dispoñibles as bases e o formulario de solicitude do Mercado Torres de Oeste.
https://catoira.sedelectronica.gal/board
