Informamos que as persoas que desexen incorporarse ao elenco da obra de teatro que se representará desde o 30 de xullo ao 2 de agosto nas Torres de Oeste, deberán inscribirse no Concello ata o 31 de maio.
Poderán elixir unha destas opcións, en función da súa dispoñibilidade:
- Actrices/actores con papel: deberán incorporarse aos ensaios de forma inmediata, os venres ás 20 h no Auditorio Municipal.
- Figurantes (sen papel): deberán incorporarse aos ensaios a partir do 12 de xullo.
Actividade dirixida a maiores de 5 anos, con preferencia as persoas empadroadas en Catoira.
A inscrición é gratuíta, pode realizarse de forma presencial no Rexistro do Concello ou a través da sede electrónica municipal (formulario dispoñible na sección anuncios).
2024_Solicitude_Inscricion_Obra_Vikinga
