Amigas e amigos, veciñas e veciños, visitantes que vos achegades a este espazo virtual: dámosvos a benvida ao portal do Concello de Catoira na rede.

Esta ventá pretende ser, coma o propio concello, unha fiestra aberta, un exemplo máis da transparencia coa que esta alcaldía desenvolve a súa actividade. Trátase dunha porta franca á administración municipal que funciona como exemplo do que é o noso concello e do que representa para o conxunto da cidadanía, ofrecéndovos información sobre a nosa historia, a nosa cultura, as nosas parroquias e as nosas actividades.

Pero tamén ten a vontade firme de ser participativo, procurando estimular a opinión de todas e todos vós e proporcionarvos un servizo accesíbel e manexábel, transmitindo información veraz de todo o que acontece na vida da veciñanza de Catoira.

Desde este espazo, recibide todas e todos, pois, un saúdo afectuoso.

Xan Castaño, alcalde de Catoira

 

 

 

Top