Cultura

LISTADO DE SOLICITANTES PARA PARTICIPAR NO DESEMBARCO
Na seguinte ligazón pode consultarse o listado de persoas solicitantes para participar no Desembarco Vikingo por orde de inscrición, tendo en conta o empadroamento.
2023_Listado_Inscritos_Desembarco

SORTEO DE TRIPULANTES DESEMBARCO

Este martes 1 de agosto ás 20:00 horas vaise celebrar no Auditorio Municipal o sorteo para asignar as persoas que subirán en cada unha das embarcacións participantes no Desembarco Vikingo. O sorteo será público e pode asistir calquera persoa interesada.

BANDO

XOÁN XOSÉ CASTAÑO CONDE, ALCALDE-PRESIDENTE DO CONCELLO DE CATOIRA (PONTEVEDRA)

FAI SABER:

Ábrese o prazo para inscribirse como tripulación das embarcacións que participarán o día 6 de agosto no Desembarco Vikingo.

TRIPULACIÓN DESEMBARCO VIKINGO

REQUISITOS: Ser maior de idade e aceptar as normas establecidas pola Dirección General de la Marina Mercante do Ministerio de Transportes.

INSCRICIÓN: O formulario de inscrición deberá presentarse no Rexistro do Concello, de xeito presencial ou a través da sede electrónica. O documento poderá descargarse da sede electrónica (sección Anuncios). https://catoira.sedelectronica.gal/board

As prazas cubriranse por rigorosa orde de inscrición, tendo preferencia as persoas empadroadas no concello de Catoira con anterioridade ao 5 de xullo de 2023.

DOCUMENTACIÓN: Fotocopia do DNI e formulario de inscrición cuberto e asinado.

PRAZO: Do 5 ao 21 de xullo de 2023, ambos incluídos.

Catoira, 3 de xullo de 2023
O ALCALDE-PRESIDENTE

Bando Tripulacion Barcos

ÁBRESE O PRAZO DE SOLICITUDE DE POSTOS NO MERCADO DA ROMARÍA VIKINGA 2023

O día 1 de xuño ábrese o prazo para solicitar postos no mercado da Romaría Vikinga. O mercado medieval estará aberto os días 5 e 6 de agosto no recinto das Torres de Oeste, coincidindo coas xornadas do Xantar Vikingo e Desembarco Vikingo, respectivamente.

As persoas interesadas poden consultar as bases e descargar o formulario de solicitude no taboleiro de anuncios da sede electrónica do Concello: https://catoira.sedelectronica.gal/board

PROGRAMA ROMARÍA VIKINGA 2023

MARTES 1, MÉRCORES 2 DE AGOSTO / 22:15 h / Recinto das Torres de Oeste

Teatro: “Un neno vikingo”, baseada na obra de Kristina Berg

XOVES, 3 DE AGOSTO 

20:30 / VIQUINGUIÑA / Concerto de Paco Nogueiras / Alameda do Concello

22:15 h / Teatro: “Un neno vikingo”, baseada na obra de Kristina Berg / Recinto das Torres de Oeste

VENRES 4 DE AGOSTO:

20:00 Pasarrúas de Upsala Medieval Contorna da igrexa de Oeste

21:00 Pasarrúas de Upsala Medieval Contorna da igrexa de Dimo

21:30 Pregón a cargo de Alejandro Guillán “Baiuca” / Alameda da praia fluvial

Vikinsons / Alameda da Praia Fluvial de Catoira.

22:00 h / Concertos de:

• Luar na Lubre

• Skáld

SABADO 5 DE AGOSTO:

14:30 h / Xantar Vikingo / Recinto das Torres de Oeste / Venda de entradas aquí.

16:00 h / Actuacións de Upsala Medieval

Mercado medieval durante todo o día. / Recinto das Torres de Oeste /

19:30 h / VIQUINGUIÑA / Concerto de Uxía Lambona e a Banda Molona / Alameda do Concello

20:30 h / Pasarrúas de Upsala Medieval. Parroquia de Abalo.

Vikinsons / Alameda da Praia Fluvial de Catoira.

21:00 h / Concertos de:

• Bloody Sunrise

• Celtas Cortos

• Dakidarría

• Lontreira

DOMINGO 6 DE AGOSTO

Desembarco Vikingo / Recinto das Torres de Oeste

10,00 h / Pasarrúas de grupos folclóricos desde a Alameda do Concello ata o recinto das Torres de Oeste.

11,00 h / Degustación de mexillóns e viño tinto do Ulla. Recinto das Torres de Oeste

12,00 h / Actuacións de Troula e Upsala Medieval nas Torres de Oeste

12,30 h / Dramatización do desembarco vikingo nas Torres de Oeste

13,45 h / Actuacións de Troula e Upsala Medieval

Mercado medieval durante todo o día

Recinto das Torres de Oeste

19,00 h / VIQUINGUIÑA / Rudi Dudi – Clownamorado na Alameda do Concello

20:00 h / Concerto: Clara Pino & Pablo Vidal na Alameda do Concello

21,30 h / Concerto de TOR – Folk céltico da Galiza na Alameda do Concello

O alcalde de Catoira, Alberto García, procede á licitación do proxecto de modernización e xestión sustentable do Auditorio de Catoira, que permitirá a instalación de iluminación LED e un falso teito no escenario.

O sistema de iluminación instalado no Auditorio é halóxeno, unha tecnoloxía que implica un consumo de electricidade moi elevado, e tamén unha menor vida útil das lámpadas, que se funden con facilidade. O Concello é consciente da necesidade de mellorar a eficiencia enerxética das instalacións municipais co fin de favorecer a sustentabilidade ambiental, económica e social. Por este motivo decidiu modernizar o sistema de iluminación do Auditorio Municipal e substituír os proxectores halóxenos por outros de tecnoloxía LED así como o conxunto de cable mediante unha instalación de sinal de DMX.

Por outra banda, vaise mellorar o illamento do escenario. Este espazo só está separado do exterior mediante a chapa metálica que forma a cuberta. Coa finalidade de mellorar as condicións de control da demanda enerxética do auditorio, proxéctase a instalación dun falso teito no espazo do escenario, completando a envolvente térmica do conxunto.

O orzamento deste proxecto ascende a 49.137 euros, dos cales 34.396 euros, correspondentes ao 70% do total, serán financiados pola Axencia Galega das Industrias Culturais. A achega do Concello será de 14.741 euros.

Na mañá do pasado venres quedou inaugurada a exposición de fotografías “FOTONATUREZA” na sala Luis Seoane do Edificio Multiusos de Catoira. Ao acto asistiron o autor das fotografías, Ramón Encisa, o alcalde, Alberto García e o tenente alcalde Javier César.

Alberto García eloxiou o traballo do vilagarcián Ramón Encisa, e destacou, da mesma forma que o autor, a necesidade de de dar a coñecer ás novas xeracións a ampla variedade de especies que nos rodean e transmitir o valor de cada unha delas no equilibrio do ecosistema.

García aproveitou este encontro para lembrar a Manuel Encisa, pai do autor, a quen considerou como un fillo adoptivo de Catoira, posto que desenvolveu a súa traxectoria profesional neste municipio como xefe do departamento de Contabilidade da empresa Cedonosa, onde tamén traballou o alcalde. “Pode dicirse que fun o seu alumno”, afirmou.

A EXPOSICIÓN:

A natureza e a fotografía son dúas das grandes paixóns de Ramón Encisa. A súa curiosidade pola fauna, especialmente polos paxaros da nosa contorna, acompáñao desde ben pequeno, cando observaba atentamente as aves e intentaba lembrar os seus cantos.

O que comezou como unha afección hai máis de 40 anos converteuse nun arduo, extenso e moi valioso traballo de documentación fotográfica de aves, insectos, orquídeas ou fungos de boa parte da xeografía galega.

Membro do colectivo micolóxico A Cantarela, comezou precisamente neste eido a súa afección á fotografía da natureza da man do recoñecido botánico Enrique Valdés Bermejo.

A súa capacidade para destacar e transmitir a singular beleza das distas especies naturais que nos rodean -nas que cada vez reparamos menos- fíxoo merecedor dunha vintena de premios en concursos de fotografía micolóxica a nivel nacional e internacional.

O seu empeño en dar a coñecer, sobre todo ás xeracións máis novas, os tesouros naturais da nosa contorna, e en concienciar sobre a necesidade de protexelos, reflíctese nun constante traballo de divulgación, a través de charlas en centros educativos e concellos de toda Galicia. Con esta mostra en Catoira pretende continuar con este labor, animando á cidadanía a manter un maior contacto, de forma respectuosa, coa natureza.

Esta mañá quedou inaugurada a mostra “Kristina Berg. Unha moza viquinga” na sala do Centro de Activación Cultural Torres de Oeste (CACTO) que leva o seu nome. Ao acto asistiron o comisario da mostra, Gustavo A. Garrido, o administrador da fundación, Håkan Olof Casares, o alcalde de Catoira, Alberto García e o tenente alcalde Javier César.

O fillo de Casares mostrouse moi emocionado e agradecido por unha iniciativa que pon en valor a figura da súa nai, unha muller que tamén tivo unha importante vocación intelectual pero que “foi quen de comprender a dedicación que precisaba Carlos Casares para desenvolver a súa traxectoria literaria e xornalística”. O alcalde tamén destacou a estreita relación que mantivo coa familia Casares, vínculo que comezou hai máis de tres décadas.

A EXPOSICIÓN:

O ano pasado, 2022, cumpríase o décimo cabodano do falecemento de Kristina Berg, viúva de Carlos Casares e primeira presidenta da fundación que vela pola súa memoria. Contra o final do ano, o Concello de Catoira decidiu dar o nome de Kristina Berg á sala de exposicións temporais do Centro de Activación Cultural Torres de Oeste, o CACTO. E non vemos outro espazo mellor que este, onde Galicia conecta con Escandinavia, para recibir a primeira exposición que se fai sobre ela.

As vinte fotografías que se expoñen son unha primeira achega á súa figura, e en absoluto esgotan o proxecto en marcha de crear unha gran exposición sobre a vida de Kristina Berg Casares. Ao contrario, non pasan de ser o seu primeiro chanzo. A maior parte das fotografías que o visitante pode ver foron tomadas por Carlos Casares, polos seus fillos, e polos familiares de Kristina Berg. Outras, por fotógrafos profesionais ou amadores anónimos, e pretenden ser un tributo a unha moza viquinga que dedicou a Galicia dous terzos da súa vida.

Na alameda do Concello actuarán:

– Ás 19:00h Rudi Dudi co seu espectáculo “Clownamorado”
– Ás 20:30 h Concerto de TOR – Folk céltico da Galiza

“Clownnamorado” de Rudi Dudi:

Sobe o pano, comeza a función. Pero nada máis arrincar, o clown namórase tolamente dunha persoa do público. O seu corazón vai a mil, ponse tímido e nervioso e perde a concentración. O show cambalea e todo sae do revés, canto máis intenta impresionar ao/a seu/súa namorado/a, máis aumenta o caos. Ata que un tropezo lévao a un xogo inesperado que o arma coa suficiente valentía para dar o salto ao baleiro e declararse coa axuda imprescindible do público… Levará un pau? Ou xurdirá o amor? Unha comedia xestual e interactiva para toda a familia.

TOR – Folk céltico da Galiza:

O repertorio do grupo componse de popurrís ou sets de temas instrumentais orixinais tomados da tradición galega, con especial atención aos gaiteiros e músicos do interior. A principal fonte é o traballo de campo do Arquivo Castro Vicente (Cástor e Félix Castro), e os seus fondos documentais e sonoros, centrados sobre todo na frauta de madeira e acordeón diatónico, así como en estilos de toque de gaita de comarcas pouco coñecidas como A Limia, Frieiras, e Navia entre outras.
Ademais incorporan temas ibéricos das tradicións musicais portuguesa, vasca ou castelá.

PROGRAMA ROMARÍA VIKINGA 2023

A sala Kristina Berg do Centro de Activación Cultural Torres de Oeste (CACTO) acollerá a exposición fotográfica: “Kristina Berg – Unha moza viquinga” do 10 de maio ao 11 de xuño.

A EXPOSICIÓN:

O ano pasado, 2022, cumpríase o décimo cabodano do falecemento de Kristina Berg, viúva de Carlos Casares e primeira presidenta da fundación que vela pola súa memoria. Contra o final do ano, o Concello de Catoira decidiu dar o nome de Kristina Berg á sala de exposicións temporais do Centro de Activación Cultural Torres de Oeste, o CACTO. E non vemos outro espazo mellor que este, onde Galicia conecta con Escandinavia, para recibir a primeira exposición que se fai sobre ela.

As vinte fotografías que se expoñen son unha primeira achega á súa figura, e en absoluto esgotan o proxecto en marcha de crear unha gran exposición sobre a vida de Kristina Berg Casares. Ao contrario, non pasan de ser o seu primeiro chanzo. A maior parte das fotografías que o visitante ten diante foron tomadas por Carlos Casares, polos seus fillos, e polos familiares de Kristina Berg. Outras, por fotógrafos profesionais ou amadores anónimos, e pretenden ser un tributo a unha moza viquinga que dedicou a Galicia dous terzos da súa vida.

Folleto Kristina Berg

O venres 12 de maio, ás 12 horas, inaugúrase na sala Luis Seoane do Edificio Multiusos de Catoira a mostra de fotografía “Exponatureza”, do vilagarcián Ramón Encisa.

A exposición recolle unha parte do extenso e moi valioso traballo de documentación fotográfica da flora e fauna que nos rodean, levado a cabo por Encisa durante máis de catro décadas. A través da súa mirada poderemos observar aves, bolboretas, orquídeas e fungos de boa parte da xeografía galega. Con esta mostra, o Concello de Catoira e Ramón Encisa pretenden dar a coñecer estas especies, sobre todo entre a poboación máis nova, e animar á cidadanía a manter un maior contacto, de forma respectuosa, coa natureza.

“Fotonatureza” poderá visitarse ata o 2 de xuño.

Este venres, 21 de abril, o alcalde, Alberto García, presentou no Museo de Estrella Galicia (A Coruña) a programación da 63 edición da Romaría Vikinga, que se celebra na primeira semana de agosto. O alcalde estivo acompañado de Loreto Rodríguez, responsable de medios ganados de Estrella Galicia, entidade patrocinadora da Romaría; Nuria Bouzas Loureiro, autora do cartel desta edición; e Fátima I. Rey, directora da Escola Municipal Úrsula Teatro de Catoira.

A presentación estivo precedida dunha breve dramatización a cargo dunha ducia de actrices e actores da Escola de teatro, que serviu como aperitivo do que chegará en agosto.

Unha das novidades que se inclúen este ano é a conversión da Cea Vikinga nun xantar. Despois da interrupción desta actividade durante a pandemia, o sábado 5 de agosto retómase este demandado evento, pero coa novidade de que este ano se converterá nun “Xantar vikingo”, para non solaparse con outras actividades, especialmente a programación nocturna do festival Vikinsons. Precisamente, o cartel do festival musical é outro dos pratos fortes desta edición, que contará coas actuacións de Celtas Cortos, Dakidarría, Luar na Lubre e o exitoso grupo de música nórdica Skáld, entre outros.

PROGRAMA 63 ROMARÍA VIKINGA

MARTES 1, MÉRCORES 2 E XOVES 3 DE AGOSTO / 22:15 h / Recinto das Torres de Oeste

Teatro: “Un neno vikingo”, baseada na obra de Kristina Berg

XOVES, 3 DE AGOSTO / 21:00 h / Recinto das Torres de Oeste

Concerto: Clara Pino & Pablo Vidal

VENRES 4 DE AGOSTO:

Pasarrúas de Upsala Medieval desde a Alameda do Concello ata a Praia Fluvial

Vikinsons / 22:00 h / Alameda da Praia Fluvial de Catoira. Concertos de:

• Luar na Lubre

• Skáld

SABADO 5 DE AGOSTO:

Xantar Vikingo / 14:30 h / Recinto das Torres de Oeste

Mercado medieval

Desfile infantil de vestiario viquingo

Actuacións de Upsala Medieval

19:30 h – Concerto de Uxía Lambona e a Banda Molona

Pasarrúas de Upsala Medieval desde o Recinto das Torres de Oeste ata a Praia Fluvial.

Vikinsons / 21:00 h / Alameda da Praia Fluvial de Catoira. Concertos de:

• Bloody Sunrise

• Celtas Cortos

• Dakidarría

• Lontreira

DOMINGO 6 DE AGOSTO

Desembarco Vikingo / Recinto das Torres de Oeste

10,00 h Pasarrúas de grupos folclóricos desde a Alameda do Concello ata o recinto das Torres de Oeste.

11,00 h Mexillonada e viño tinto do Ulla e mercado medieval no recinto das Torres de Oeste

12,00 h Actuacións de Troula e Upsala Medieval nas Torres de Oeste

12,30 h Dramatización do desembarco vikingo nas Torres de Oeste

13,45 h Actuacións de Troula e Upsala Medieval nas Torres de Oeste

14,00 h Xantar campestre

O alcalde de Catoira, Alberto García, acompañou a Clara Pino e Xavier Magalhães no acto de presentación do libro “Fenómeno fan”, celebrado o pasado venres nunha concurrida sala Celso Emilio Ferreiro do edificio multiusos de Catoira. Tamén os acompañou o editor, Xabier Romero.

García destacou a traxectoria de colaboración que Magalhães mantén co Concello de Catoira desde hai anos e tamén a satisfacción por que Clara Pino, natural de Vigo, decidise formar parte da veciñanza de Catoira.

Os autores explicaron os antecedentes da relación de amizade e artística que os une, especialmente desde esta colaboración xurdida durante a pandemia, unha obra na que se fusionan á perfección os seus universos literario e pictórico.

Clara Pino, que ten na música a súa outra paixón, emocionou ao público coa interpretación de varios temas coa arpa.